Дома

НАГРАДИ НА КИНЕНОВА 2017

Главното жири на второто издание на Меѓународниот филмски фестивал Киненова Скопје 2017 што се одржа од 6-11 октомври, во состав: Горан Марковиќ (Србија) претседател, Хулија Учансу (Турција), Синоличка Трпкова (Македонија), Игор Гало (Хрватска), ги претставува наградите кои одлучи да ги додели за натпреварувачката селекција на филмови, направени од млади автори од целиот свет за нивните први или втори филмови.

Жирито одлучи да ја додели наградата за Најдобар филм на фестивалот на филмот „Фамилија“ на Густаво Рондон Кордова (Венецуела) за неговиот исклучителен талент при претставувањето на приказна за преживување во посебно брутален и насилен свет во кој се наоѓаат обата протагонисти, но и целото општеств во земјата каде припаѓаат.

Жирито одлучи да го награди босанскиот филм „Мажите не плачат“ на Ален Дрљевиќ со наградата „Најдобар режисер“ за неговото зрело режирање, справувајќи се со најделикатната, историска и психолошка ситуација во која се наоѓаат протагонистите, давајќи ни паралелно чувство на оптимизам и надеж на самиот крај.

Жирито одлучи да го награди израелскиот филм „Една недела и еден ден“ на Асаф Полонски со наградата „Најдобро сценарио“, за исклучително успешното справување со една толку осетлива, тажна и хумана ситуација на еден траги - комичен начин.

Жирито одлучи да ја додели наградата „Специјално признание“ на филмот „Кула“ за користењето на свеж и експериментален израз од страна на режисерот Кит Мајтланд, кој успешно комбинира анимирана, документарна или играна форма на раскажување претставувајќи ни на тој начин значајно драматична тема.

Жирито на Интернационалната селекција на кратки филмови и на Македонската селекција на кратки филмови во состав: Христос Каракапелис (Грција), Катрин Хабиб (Франција) и Марија Џиџева (Македонија) ), ги претставува наградите:

Програмата од филмовите коишто ги гледавме, во поголемиот дел, беше одлична - филмови на студенти, но главно дебитантските филмови на новите режисери, кои со овој фестивал ја започнуваат својата кариера и ветуваат светла иднина. Станува збор за различни естетски избори и стилови и конечниот избор е особено тежок. Затоа, решивме освен наградата на жирито да има и специјално признание.

Првата награда од Интернационалната селекција на кратки филмови ке биде поделена од два филма, со различна естетика, но и двата ја претставуваат филмската уметност во модерна и вистинска смисла на зборот: „Британец по божја волја“ од Шон Дан, САД (British by the grace of God by Sean Dunn, USA 2017) и „Ана“ од Марго Зубашвили, Грузија (Anna by Margo Zubashvili, Geоrgia 2017)

Специјално признание за: „Судир“ на Хонг Хенг Фаи од Макао

Најдобар филм од Македонската селекција на кратки филмови е „Долго патување до дома“ од Ибер Деари

Наградата за развој на сценарио ја доби Јаков Попоски за проектот „Мост“.

Киненова Скопје 2017 ја доделува наградата за особен придонес во филмската уметност на Жарко Лаушевиќ